Mombe’upy Ykua Bolaños

            Avare Bolaños -omoheñoi'akue táva Ka'asapa (1607) ha Juty (1610)- oikomiva'erâ oguata umi te’ŷi apytépe, ohenduka haĝua chupekuéra Ñandejára ñe'ê.Péicha oikoha rupi, ndaje, aréma ndokyvéi upérupi, ha maymávante ijy'uheijoa.

Upémarô, mbohapy mburuvicha: Guarepo, Kavaju ha Ñandegua oñemboja hendápe ha ojerure chupe oñembo'e haĝua Ñandejárape ikatuhaĝuáicha oky; ŷrô katu, he'i hikuái avare Bolaños-pe ojukataha chupe. 

Avare Bolaños oñembo'epariremíje, he'íkuri umi te’ŷime omomýi haĝua peteî itasu oîva henondepekuéra. 

Péicha ojapo ha'ekuéra ha ijurujaijoa ohechávo mba'éichapa osyryñepyrû upégui y potî sakâ; ko'aĝaite meve osyrýva. 

Upete guive upe yvu ojekuaa Ykua Bolaños-pe.