Rohechaga’u

Hi’ãnte chéve aveve

Aguejymi nerendápe

Añe’ẽmi nde apysápe

Cheangapyhyha peve.

Néina pykasutῐmi

Cherupi nde pepo ári

Ha che rembiayhu jyva ári.

Jaha tapytu’umi.

Hi’ãnte  che guyrami,

Aguejy nde popytépe

Ha pe nde rova yképe

Rohavi’u mbeguemi.

Añenórõ ake  haĝua

 Ne ñe’ẽ chemyangekói,

Hi’ãvaicha cherenói

Nendive aimemi  haĝua.

 

Maichámoipo rohayhu,

Ku mombyry reimehápe,

Mamo ajesarekohápe

Ne ãnguémante ajuhu.

 

Ama’ẽrõ nderehe

Remimbi  che resa yképe

Ha amo kuarahy reiképe

Che ãnómi nderehe.